VAUDEMONTUM

VAUDEMONTUM

oppid. Lotharingiae, cum titulo Comitatûs olim iam Principatûs, de quo vide voce Valdemontium. Et quidem cum Nicolaus cognomine Venustus Dux Lotharingiae sine prole mascula obiisset. Lotharingia pervenit ad Fridericum Vaudemonti Comitem, qui amitam eius Iolantham in matrimonio habuit: a quo tempore titulus hic a Lotharingiae Ducibus usurpatus et nonnumquam minoribus filiis concessus occurrit. Sic Carolô Duce, qui obiit A. C. 1608. genitus Franciscus Dux Lotharingiae, Comes de Vaudemont, obiit A. C. 1632. pater Nic. Francisci Lotharingi, cuius filius Carolus est Lotharingiae Dux hodiernus. Iam vero Principis Vaudemontii Carolô Nic. Francisci fratre maiore geniti, nota virtus et res gestae etc.